الصقر المصري المدير
![المدير المدير](https://2img.net/h/dc07.arabsh.com/i/01029/sd0avg7rdhqo.gif)
![الصقر المصري](https://2img.net/u/4111/92/71/58/avatars/6-86.jpg)
كلمتى : الجنس : ![ذكر ذكر](https://2img.net/i/fa/subsilver/icon_gender_male.gif) الشهرة : 24689 المستوى : 5 عدد المشاركات : 440 تاريخ التسجيل : 19/07/2009 العمر : 30 الموقع : www.mafiatop.yoo7.com
![حكومه فاجره وشعب فقد عقله, قال يا فرعون ايه فرعنك ملقتش حد يلمنى Empty](https://2img.net/i/empty.gif) | موضوع: حكومه فاجره وشعب فقد عقله, قال يا فرعون ايه فرعنك ملقتش حد يلمنى السبت أبريل 17, 2010 1:23 pm | |
| جرب مره وانت ماشى فى الشارع وتامل وجوه الناس العواجيز والشباب وحتى الاطفال على حد سواء هتلاقى وشوش بلا هويه ولا هدف هتحس انك شايف ناس من عالم المغيبين كله دماغه شارده اللى بيفكر فى هيعمل ايه فى شغله اللى اطرد منه وهييعيش ازاى هو وعياله مع انه لم يقصر فى شغله وبيعمل اللى عليه بس ملهوش فى موهبة النفاق والوصوليه فجيه واحد من راكبى وقائدى هذا العصر فى مصر محترف مداهنه ونفاق ووصوليه واخذ مكانه فى العمل وحتى فى احسن الظروف سيتم علو مرتبته اعلى من المجتهد ( نتيجة الفساد وغياب القيم ) وهذا رجل يفكر كيف تم تدمير مشروعه لخاص من لدى المحليات مع انه معملش حجه غلط غير انه رفض يعطى رشوه لحرامية المحليات وانه مش مسنود واخذ يتحسر كيف انه يبتغى الرزق الحلال فى بلد يحبها ولكنه بلا ظهر فيها ويحافظ على مبادئه ولا يحب لى الذراع والجماعه بتوع الحى شغلتهم لى الذراع ولانه مش عامل حاجه غلط وماشى قانونى قلبه جمد وبلبع حبيتين شجاعه وقلهم لا مش دافع حاجه غير قانونيه من تحت الطرابيزه واصبحت مواجهه بين القيم والمبادئ والصح ضد الفساد وانتصر طبعا الملك المتوج فى مصر الفساد وبنتيجه ساحقه وسحق معه احلام رجل شريف يريد الرزق الحلال
- حبيت مره اغير رخصة مزاولة النشاط فى محلى واحول النشاط وكان كل شئ قانونى بلا اى مشكله والمصاريف الرسميه لتغيير لنشاط كان حوالى 40 جنيه وساعتها دفعت فوق ال 1500 جنيه عشان احصل على الرخصه رشاوى للجماعه بتوع الحى و رجال قانون الحى والدفاع المدنى 1500 جنيه وحوالى 40 مشوار للحى والدفاع المدنى عشان يرضوا عليا وينزلوا يعملوا معاينه ويخلصوا الرخصه ( عمار يا مصر برئيسك وحكومتك البهيه ) -
وهذ اخر خلص كليه وافتكر انه خلاص عمل اللى عليه وهيشتغل بقى وهيصرف على نفسه ويحس بطعم القرش من عرق الجبين ونزل يدور على شغل فى مجال درسته امال هيدور على شغل فى انهى مجال ما هو اتعلم ليه اتعلم عشان يشتغل بمجال دراسته وبعت السى فى وبحث عن شغل وملقاش واضطر يقعد على قهوه يشرب شيشه ويغلى ويفكر هيعمل ايه نفسه يكمل نصف دينه سواء مع بنت يحبها او لا يحبها المهم يتزوج بس عشان يتجوز لازم يشتغل وعشان يشتغل لازم واسطه و هو ميعرفش حد طب يعمل ايه صح كركركركركركر شد يا معلم جامد وطقطق الحجر محدش واخد منها حاجه
وهذا اخر المره ديه بقى شغال وبيقيض 1500 جنيه زى الفل اعتقد بقى مفيش احلى من كده بس للاسف شغله مفيهوش استقرار لان فى عصرنا هذا انت لو شغال عند حد يعمل فيك اللى هو عايزه ماهو مفيش حد هيقفله لانه ولا وزارة الشئون الاجتماعيه ولا القوى العمله هياخدوا معاه حق ولا باطل لان سياسة الدولة من اجلك انت بس من اوعى دماغك تشطح وتفكر من اجلك انت الكويسه ليك يا غلبان من اجلك انت بتاعة الحكومه بتنقسم لمفهومين
1 - من اجلك انت هندلعك ونهشكك ونطقطقلك كمان صوابعك طالما انت من كبار رجال الاعمال ومعاك فلوس كتير وبتعرف تسرق زيينا بحرفنه وبتسرق كتيير ودول اعضائها الحراميه فوق ال10 مليون يبقى انت من الشله ويبقى تستحق من اجلك انت الحلوه
2 - من اجلك انت هنبهدلك ونذلك ونربيك ونلهى دماغك ونشل عقلك ونكتم صوتك طالما انت صعلوك على قد حالك ولو حتى سرقت بتسرق على قدك بالالاف يبقى انت تستحق من اجلك انت الوحشه
نرجع لصاحبنا اللى بيقبض 1500 جنيه بس مش حاسس باستقرار لانه لما جييه يتعين ويعمل عقد مضى على العقد ومضى على ورقه تانيه مع العقد عارفين ايه الاستقاله يعنى انت اتعينت واستقلت فى نفس اليوم طب هو وافق على كده ليه طب هيعمل ايه البلد مفيهاش شغل وقاعدة البيت وحشه وهم قطعوا عليه خط الرجعه والمجادله عاجبك تمضى على كدخ اهلا وسهلا مش عاجبك فيه طوابير غيرك يتمنوا اى شغلانه واحنا بقينا فى عصر الغاب وكله بياكل بعضه عشان لقمة العيش اوعوا تفتكروا ان هى ديه مشكلة الراجل ده بس عدم الاستقرار لا
العبيط افتكر انه لما اشتغل اصبح من حقه انه يمارس حياته الطبيعيه ويتجوز بقى ما هو قب على وش الفته وبياخد 1500 جنيه بحالهم اختار بنت الحلال من عيله كويسه وولاد حلال غلابه زيه والبنت عايزه تعيش واهلها عايزين يستروها وهو عايز يعيش يعنى الحياه مفيش احلى منكده والدنيا وردددددى بس قبل ما تمدد على السرير وتحس بلسعه العالم الفاضل فى دماغك وتفرح عايزك تعرف ان الحياه الوردى ديه ماتكتبلهاش انها تتم لان الشاب يا عينى واجه وحش اسمه شقة الزواج ومصاريف الزواج مبدئيا من قبل ما نتكلم على الشقه عايزله ما لا يقل عن 40 الف جنيه يعنى لو عمل جمعيه بالف جنيه كل شهر يعنى 40 شهر ونخش بقى على الهم الكبير الشقه شاف برنامج ودعاية الحزب الوطنى ومشروع الاسكان القومى فرررررح قال فرجت دول بيقولوا 5 الاف مقدم شقه 63 متر صغيره اه مع ان فى بلدنا مساحات كتير فاضيه ممكن استغلالها وتبقى الشقق اكبر شويه حتى لو 75 متر بس مش مشكله الجوده بالموجوده 63 متر 63 متر حلوه المهم انى اتجوز طبعا هو بتفكيره ده ولهفته على الجواز عبيط لانه لو ربنا اكرمه وكتبلة النجاه من معصرة التجهيز للزواج والبحث عن الشقه واتجوز فعلا يبقى دخل الدوامه الكبرى فى بلد بتحدد النسل لشعبها عن طريق تصعيب الزواج لاقصى درجه المهم نرجع مرجوعنا قال ماشى 63 متر وخمسة الالف كلام زى الفل اتصل بشركه من شركات الاسكان القومى وكله نشاط وتكبر وقلاطه ما هو الراجل هيبقى من اصحاب الشقق
- الو - الو
- كنت قريت انكوا بتعملوا شقق للاسكان القومى للشباب حسب برنامج السيد الرئيس - كرم الله وجهه وجازاه عن كل اللى بيعمل للشعب - عايز اشترى شقه بس قولى ايه مواصفاتها ؟
- الاول احب اوضح لحضرتك الشقه نص تشطيب على المحاره فى طريق الفيوم وهيتعمل فيها حمامات سباحه حضرتك هتدفع 5 الاف - زى ما مكتوب فى الاعلان - مقدم حجز وبعدين هتدفع دفعه ربع سنويه ودفعه استلام 20000 فى خلال 6 اشهر ولو حبيت تقسط الباقى عن طريقنا يبقى القسط 1200 جنيه فى الشهر ولو حبيت تقسط عن طريق بنك التمويل العقارى هيبقى القسط 700 جنيف فى الشهر و
- لا استنى استنى احسبلى الحسبه ديه يعنى الشقه تقف بكام ؟
- حضرتك الشقه كده هتقف فى حدووووووود 180 الف
- يا نهار اسود شقه فى الصحراء نص تشطيب 63 متر ب 180 الف جنيه يعنى المتر ب 3 الاف جنييييييييييييييه واسكان قومى وللشباب وطبعا نص تشطيب يعنى معناها عايزلى بتاع 25 الف جنيه تشطيب لو تشطيب على قده
وطبعا طب ساكت جنب التليفون والجوازه باظت عشان حكومتنا البهيه بتعملنا حمامات سباحه مش لما يبقى عندنا الاول دورة مياه فى بيتنا
وطبعا ده جزء يسيييييييييييييير من مشاكل الشعب الغلبان بس شعبنا مذنب لانه لحد دلوقتى ساكت
وما استحق ان يولد من عاش لنفسه فقط منقوووووووووول من واحد عاقل | |
|
etsh_el3shk مشرف عام
![مشرف عام مشرف عام](https://2img.net/h/dc03.arabsh.com/i/01031/r4pfl6cqeggh.gif)
![etsh_el3shk](https://2img.net/u/4111/92/71/58/avatars/16-84.jpg)
كلمتى : الجنس : ![ذكر ذكر](https://2img.net/i/fa/subsilver/icon_gender_male.gif) الشهرة : 22933 المستوى : 58 عدد المشاركات : 715 تاريخ التسجيل : 11/08/2009 العمر : 29 الموقع : المافيا توب
![حكومه فاجره وشعب فقد عقله, قال يا فرعون ايه فرعنك ملقتش حد يلمنى Empty](https://2img.net/i/empty.gif) | موضوع: رد: حكومه فاجره وشعب فقد عقله, قال يا فرعون ايه فرعنك ملقتش حد يلمنى الأحد أبريل 18, 2010 8:41 am | |
| | |
|